Jos 21:9-19 | SwhNEN | STEP | Kutoka makabila ya Yuda na Simeoni waligawa miji ifuatayo kwa majina

Joshua 21:9-19

9 Kutoka makabila ya Yuda na Simeoni waligawa miji ifuatayo kwa majina 10 (miji hii walipewa wazao wa Aroni ambao walitokana na koo za Wakohathi wa Walawi, kwa sababu kura ya kwanza iliwaangukia):

11 ^aWaliwapa Kiriath-Arba (yaani Hebroni), pamoja na sehemu zake za malisho zilizoizunguka, katika nchi ya vilima ya Yuda. (Arba alikuwa baba wa Anaki.) 12 ^bLakini mashamba na vijiji vilivyozunguka mji mkubwa walikuwa wamempa Kalebu mwana wa Yefune kuwa milki yake.
13 ^cKwa hiyo wazao wa kuhani Aroni wakapewa Hebroni (mji mkuu wa makimbilio kwa ajili ya yeyote aliyeshtakiwa kwa mauaji), Libna, 14 ^dYatiri, Eshtemoa, 15 Holoni, Debiri, 16 ^eAini, Yuta na Beth-Shemeshi, pamoja na sehemu zake za malisho, ilikuwa miji tisa kutoka kwa makabila haya mawili.
17 ^fKutoka kabila la Benyamini wakawapa Gibeoni, Geba, 18 ^gAnathothi na Almoni, pamoja na sehemu zake za malisho, ilikuwa miji minne.
19 ^hMiji yote waliyopewa makuhani, wazao wa Aroni, ilikuwa kumi na mitatu, pamoja na sehemu zake za malisho.